// ثالث يــــــــــوم //
قلبي له اليوم ثالث يوم موجعني /
وعيني لها اليوم ثالث تجمع طيوفك ..
والبال كنه على دربك يوزعني /
ولساني ما كنه خلق غير لحروفك ..
لا النوم نافع ولا التفكير نافعني /
أنام وأصحى على الباقي من طيوفك ..
بالله قل لي شعوري هذا وش يعني ؟ /
طمني الله يطمن همك وخوفك ..
بيني وبينك ترى اللي صدق ضيعني /
أن أنت بآخر لقاء شارح لي ظروفك ..
مدري وش أقول لكن تدري أسمعني /
خابرك وافي وأبيك تتم معروفك ..
أن كنت ناوي تسافر لا تودعني /
بس أنتبه لا تسافر قبل ما أشوفك ..
الأحد يونيو 29, 2008 10:09 am
